Do Propertiyo Per Stamp Duty Me Choot- Propery Cunsultation

Doosri Property ki Stamp Duty Par Choot Mil Sakti Hai?

Q1: Meri 2 housing property hai, Ek jaldi me hi kharedi hai. Dono hi housing loan per hai. Ek me mai reh raha hu, dusre me mere rishtedar hai. Mujhe dono me se kisi bhi porperty se kamai nahi ho rahi hai. Lekin mai pehle khareedi property per tax choot le chuka hu. kya dusri porperty per bhi tax choot le sakta hu, Kya dusri porperty ki stamp duty per milne wali choot ke liye awedan kar sakta hu, Pehli wali property ke liye mai aisa kar chuka hu, Krapya bataye.

Prabhat Singh, Gurgaon.

Ans: Ek vyakti kitni property khareede, eski koi seema aykar ect me nahi batai gai hai. Lekin agar kisi ke paas do property hai, Jisme se ek me wah aur dusre me uska rishtedar rah rahe hai to ek kouse self acupayed property ke taur pe ghoshit karna hoga. Aisa karte hi mana jayega ki dusri property kiray per de gai hai. es tarah esse kiray ki ek anumanit ay bhi mani jayegi, es tarah self accupayedproperty ka varshik mulya shunya mana jayega aur vyakti property lene ke liye 2 lac Rs. ki seema tak ke loan per byaj ke bhugtan ka davedar mana jayega. aap home loan ke repayment ke liye es per aykar labh le sakte hai, aap dusri property ke liye de gai stamp duty ke liye tax choot per laabh le sakte hai. Ho sakta hai ki aapne kisi aur saal me kisi aur property ke liye esi prakar ki choot ka labh liya ho. Es property ke liye bhi aap aisa phir kar sakte hai.

Kya Flat Ka Malikana Haq Do Logo Ko Mila Sakta Hai?

Q2: Meri patni ne naukri ke dauran homeloan liya tha. ab unki naukri nahi hai, esliye mai home loan ka dayitwa khud per sthanantarit karwana chahta hu. Kya esse flat ka malikana haq bhi badal jayega? Kya hum dono makan me sajhedar ban sakte hai?

Samar Mishra, Faridabad.

Ans: Jee ha, Aap apni patni ki taraf se home loan ki EMI anaupcharik roop se ada kar sakte hai. Lekin es par aapko koi tax choot nahi milne wali, kyoki aap property me sajhedar nahi hai. aap bank se kahkar apna naam property ke sajhedar se taur per judwa sakte hai, Lekin eske liya aapko stamp duty ka bhugtan karna padega.

Kya Mai Kuch Awadhi Ke Liye EMI Rok Sakta Ho?

Q3: Maine 19 Lac Rs ka loan liya hai. eski pratimah EMI 20,000 Rs hai. Mere flat ki vartman keemat 50 lac Rs ke lagbhag hai. Mai Mumbai me 11 mahine ka ek management program karna chahta hu. es dauran mere paas koi naukri nahi hogi. Kya yeh sambhav hai ki utni awadhi ke liye me apni EMI rok saku.

Ritesh Malhotra, Ghazibad.

Ans: Behtar hoga ki aap use avadhi ke liye koi entezam kar le. Taki apka naam defaulters ki list me na jude. Eska ek tareeka yeh ho sakta hai ki naukri chodne se pehle, yadi aap yogyata shart per khare utarte hai, to apni karzdata santha se top-up loan le len aur uska upyog 11 mahino ki EMI va Top-up loan ki EMI chukane me kar de. Sarvottam yeh hai ki aap education loan le, Taki course ki fees usse chukay aur apni savings se home loan ki instalment chuka de. Na ki apni savings se course ki fees chukay.

Read More

Dusri Property Per Tax Choot Kaise Paye- Kanooni Salah

Ek Se Jayada Property Hone Per Tax Me Choot Milegi Ya Nahi?

Q1. Maine apne bete ke naam per Delhi me ek flat khareeda tha, lekin ab use bechna chahta hoo. Ab mera beta Bangluru me rehta hai, vah es kaam ke liye Delhi nahi aana chahta. hum saare kaam kaise kare? 

Shantanu Singh, Delhi 

Ans. Apka beta apke naam per power of attorny banwa kar se sakta hai. Uske baad aap property ki khareed se sambandhit karwahi anjam se sakte hai.

Q2: Mai ek awasiye yojna me puri tarah furnished flat khareedne ki soch raha hu, Lekin esse pehle mai flat ke construction ke bare me pata lagana chahta hu. Mai es bare me kya kar sakta hu. Krapya bataye. (Please Help).

Ajay Mathur, Noida

Ans: Certificate ke bare me puchna chahiye. Aap pata kar sakte hai ki building es tarah ke sabhi kagzaat ke anusar banai gai hai ya nahi. agar awikrut yojna se kuc alag nirman hua hai, to phir yeh dekhna hoga ki uske liye anumati le gai hai ya nahi ya usse sambandhit muawaze ye bhugtan aadi adhikrut ekai ko kiye gaye hai ya nahi.

Q3: Mai ek NRI mahila hu aur mai Delhi me ek flat ko kiray per dena chahti ho, Kya mai aisa kar sakti hu, aur aisa karne ke liye mujhe kisi se anumati ki awashyakta hogi?

Shiksha Shrivastav, Delhi

Ans: Je Haa, Aap reserve bank of India ya kisi anya adhikarik ekai ki anumati ke bina hi makan kiray per de sakti hai. Jo kiraya milega, vah NRO account me jayega ya phir videsh bhej diya jayega.


Q4: Maine 6 mahine pehle 5 saal ke liye lease per makan liya hai. kuch karano se lease deed ragister nahi karai ja saki hai. ab uska ragistration karana hai, Kya hum aisa kar sakte hai?

Mohan Singh, Noida.

Ans: 1908 ke Indian ragistration act ke anusar 11 mahine se jyada ki awadhi ki lease deed ko karyanvayan ke 4 mahine ke andar ragister karwana jaroori hota hai, lekin kuch apwad mamlo me ragistrar 4 mahine ka atirikt samay bhi de sakta hai. per yeh sthitiyo aur tathyo per nirbhar karega sath hi apko eske liye jurmana bhi dena hoga. Jis up-ragistrar ke adhikar shetra me yeh property padti hai, uske office me avedan kar sakte hai.

Read More

Gift Deed Lena Behtar Ya Sale Deed: Property Samadhan

Property Samadhan

Question- Mere pitaji ke paas ek plot hai, jis par mai apna ghar banana chahta hu, Jis par me apna ghar banana chahta hu. Agar mai eske liye home loan lu, to mujhe kya karna hoga? Tex me chut pane ke liye koun sa raasta sabse accha saabit hota-mere pitaji se gift deed ya sale deed?

Antikesh Sharma, Noida

Answer- Chunky aap jameen ke malik nahi hai, esliye aapkpo lan ke byaaj par aur loan ke repayment par tax ke labh nahi milenge. Agar aapkpo malik banna hai to ki co-owner, to aapko ta gift paane wale ya ki kharedar ke taur par eska malikana adhikar lena hoga. Agar yah aapko gift ke taur par milta hai, to eske transfer socument me lagne vali stamp duty par bachat hoga.

Question- Maine shuruat me bank se loan liya tha, fir apni property ko bechkarapna loan bhi bhar diya. Maine naya ghar liya hai aur naya loan bhi ek anya bank se. Kya dono hi loan par tax ka fayda le sakti hun?

Mahima Singh, Noida

Answer- Ye prashan use varsh se sambandhit hoga, jisme pahla vala loan chukaya gaya aur dusra liya gaya. Jab bikne vale ghat ke liye loan ki baat aati hai, to byaaj ka hissa kiray se hone vali aamdani se ghata diya jata hai. Lekin agar dono hi property upyog me lee jati rahi hai,to phir sthiti jara pareshani vali ho jaati hai. Enme se kisi ek ko hi aapko khud ke upyog me lee ja rahi property ke taur par lena hoga aur use varsh me property ke liye dey byaaj ki seema2 laakh rupay prativarsh tak par hi hogi. Dusri proeprty ke liye mana jayega ki vah kiray par hai aur use par dey byaaj use property se shone vale kalpanik kiray ki aamdani se kata jayega.
Ya maan le ki aapka makaan newnatam 5 saal tak aapke paa raha, to dono hi loan par chukaya jane wala principal payment section 80C ke tahat kata jayegea. Agar jo ghar becha gaya hai, use aapke malikaana haq me 5 saal se kam samay hua, to use varsh me kisi bhi home loan ki mukhya rashi me se kisi tarah ki koi chut nahi milegi aur principal amount ke hisse ke liye usse pahle ke varsho me daava ki gai katauti ko use varsh ki aay mana jayega, jis par tex lagega.

Question- Mai apna apartment bechkar naya ghar lena chahta hu, Maine ek bank se 3 lack rupay ka loan liya hai. Kya yah loan naye apartment ke liye tranfer ho sakta hai?

Mahesh kumar, Delhi

Answer- Home loan transfer karne vala koi pravdhan nahi hota hai. Agar aap apni vartman property bechna chahte hai, to aapko vartmaan property per kiye gaye loan ko foreclose yani ki niyat avadhi se pahle hi puri tarah chukana hoga. Nai proeprty par aapko home loan aapki credit history aur aay ke adhar par milega. Ho sakta hai ki naye loan par thori si procesing fees lee jaye.

Read More

Lease Aur Licence Me Antar Jane

Difference between Lease and License
Aapne aksar lease property aur license property e bare me suna hoga, aamtaur per log dono ko ek hi prakriti ka maan lete hai, lekin dhyaan rahe ki ye dono apne vyavhar aur hit ke anusar bilkul hi alag hai.

Property ko lease ya license per dena atirikt income ka jariya ho sakta hai, kai log lease ya license wali property me antar nahi samajhte. In dono ke beech antar hota hai, phir bhi kisi property ke mamle me yeh pehchan karna ki lease hai ya license kaafi kathin hota hai.

Adalato ne yeh pramanit karne ke liye sidhant aur sujhav rakhe hai, Jinme yeh pehchan ki ja sake ki sauda lease hai ya license. Licensing se viprit property ki lease ko property transfer act ke tahat achal sampatti ke hastantaran ka jariya mana jata hai. lease karne wala property ke kabje ko pane ka adhikari hota hai aur leasekarta ki choot per property ko estemal karne ka adhikari hota hai. es prakar lease achal sampatti ke kabje me hit (swamitwa ka adhikar) ka transfer hota hai. License me property ka kabja malik ke paas hi rehta hai, lekin license lene wale ko kisi vishesh uddeshya ke liye parisar ka estemal karne ki anumati mil jati hai.
Es tarah se license lene wale ke paksh me property me kisi tarah ka hit nahi banta aur license lene wala license dene wale ke dwara sahmat tareeke se hi property ka estemal kar sakta hai vyapak roop se kaha jay to kisi saude me vyakti ko property ka seemitestemal karne ko kaha jaye ya uske adhikar seemit kar diye jaye aur niyantran me hi rahe to aises saude ko party ka vishesh kabja mil jata hai to use pratyksh drastyta kirayedar hi mana jayega. lekin aise me paristhitiya sthapit ho sakti hai, jo lease taiyar karne ki mansha nakarti hai.
yaha ese tarah ke saudo ke kuch vyapak sanket diye gaye hai, jo samanya taur per court me lease ya license ke roop me pesh kiye jaate hai. Kuch mamlo me jaha lease karne walo ko property ka vishesh abja diya gaya ho to aise dastavejo ko court dwara ek lease deed ke roop me mana gaya hai. Vahi doosri taraf jaha prativadi ko vivadit sampatti ka kisi vishesh prayojan ke liye vishesh kabja diya gaya hai, lekin usane property ko sab lease karne ki anumati nahi di hai, vaha saude ko license mana gaya hai. rochak yeh hai ki aise bhi mamle mile hai, jaha parisar ki chabhiya license lene wala subah leta hai aur sham ko wapas kar deta hai. yeh sauda court ne license ke roop me mana hai. Vivado ko kam karne ke uddeshya se partiyo ko saude ke dastavej me yeh spast roop se likhna chahiye ki yeh lease hai ya license.

Lease deed ya license deed me kiraya/ license fees, kis party ka property er vishesh kabja rahega, property ke estemal ke niyam etyadi spast roop se likhe jaane chahiye. kisi saude ki prakrity agar vastav me lealsle jaisi hai to sadharan taur per use dastavej ko license deed ka naam dene bhar se vah license deed nahi ban jata. yeh pahle se hi sthapit hai ki saude ki prakrity ka nirdharan karne ke liye dastavej ka naamkaran gaud hota hai. Saude ki sahi prakrity ko jaane ke liye court partiyo ke sahi maksad ko janne prayas karti hai ki kya ve lease banana chah rahe the ya license? Court dastavej ki bhasha aur un tathyo va paristhitiyo per gaur karti hai, na ki partiyo dwara use dastavej ko diye gaye naam per.

Read More

Bade Naam Ka Arth Quality Nahi

Interior Design Business ke bade namo ke saath anubandh karne ka arth quality ki guaranty nahi. 

Kuch Client kehte hai ki unhe ghatiya darje ka kaam aur chalau material se 2-4 hona pada. Aage Report me padhe.

Jab Noida Espressway per bane Omex Grindwood ke niwasi Naresh Kumar ne apne appartment ko taiyar karwane ke liye interior design business ke bade naam se karar kia to unhone socha bhi na tha ki unhe kya-kya musibate jhelni padegi. Lagane ke chandedino baad hi unke kitchen ka saara lakdi ka kaam gir gaya. 'Mujhe Wada Kiya Gaya Tha Ki Ese Kaam Me UcchQuality ke Plywood ka Istemal Kiya Jayega, Lekin Aisa Kiya Hi Nahi Gaya'.

Esse Neeraj Kumar ne jila upbhokta forum me ek mamla darj kiya, Jisse company per yeh kehte hue jurmana lagaya gaya ki usne yachika karta dwara ghatiya quality ka particle board estemal ker pedit paksh ka mansik aur sharirik utpidan kiya hai. Company ko Interior Design ke liye Neeraj Kumar dwara chukay gay 3 lac wapas karne ka nirdesh diya gaya. Eske baad bhi company ne court ke adesh ka palan nahi kiya aur Kumar ko ese adesh ke palan ke liye 1 aur yachika dayar karni padi.

Kai interior design companys dwara apnay ja rahe dhokhebaji wale hathkando ke khilaf upbhikta adalato me kai mamle arahe hai chunki carpenter, electrician, plumber aadi ko khojne me mushkil hone ke chalte kai log sochte hai ki ghar ka kaam karne ke liye ek hi jagah per samadhan uplabdh karane wali company se karar karna suvidhajanak hoga.

Kai interior design companies ne malls tatha nai socities me dukane khol rakhi hai aur nay gharo ke kharidaro per jaal faikti hai ki way unke ghar ko behad khoobsurat bana degi Ek baar unke jhase me aane ke baad bechare ghar ke malik ko ek 3 dimension design plan ke liye 2000 rs prati kamre ke hisab se chukana hota hai. Eske baad company apne logo ko apke ghar per bhejti hai, eeskee baad company apne logo ko apke ghar per cupboard aur cabinets ke naap ke liye site visit karte hai. Kumar ki hi tarah musibat jhel chuke ek any grahswami kehte hai ki grahak 3-D software ki madad se banekhoobsoorat plan dekhkar prasan ho jate hai aur sochte hai ki unka kam poori shiddat ke sath kiya jayega. company ne unka kaam poora karne ke liye 4 month ka samay diya tha, lekin kaam karne me usne dedh sal ka samay laga diya.

Aise bhi mamle hai, jaha companies ne apne grahak se 50 feesadi advance lene ke baad keemat badha di. Kewal yahi nahi spacification, samay-seema aur jurmana rashi ke ullekh wale kanooni anubandh bhi dastkhat nahi kiye gay.

Greater Noida me rehne wale ek software engineer Altansh Varma ne bhi upbhokta adalat me interior designer company ke khilaf yachika dayar ki hai. Esme unhone kaha hai ki unke mamle me carpenter ka kaam kahi dusri jagah per kia gaya aur wah us kaam ka nirikshan gunwatta se khilwaad kiya, Anadi aur nauseekhiye karigaro se kaam karaya gaya. Cupboard aur cabiner ka kaam kisi dusri jagah karane ke baad jab karmchariyo ki team aai to usne 10 ghante me sara kaam khatm kar diya. pehli nazar me to finish sahi lag raha tha, lekin kuch dino ke baad khamiya samne aane lagi. Yahi waqt hai, jab grahak compani se apna paisa wapas pane ke liye ya khamiyo ko door karne ke liye ek lambi, lekin kadai se ladai lade.

Read More

Vastu Ke Liye Bhi Shuruat Me Rahe Taiyar

Aapka Ghar Aur Vastu 

Bhartiya Sabhyata me grah nirman aur Vivah ko yagya ki sangya di gai hai. En Kryo ko safal banane ke liye hum kya-kya nahi karte hai. Jyotishacharya se pramarsh kar shubh muhurt nikalwate hai, Makan ki neev rakhte samay pandit ko bula kar hawan wa pooja karate hai. Badhiya se badhiya aur tikau nirman samagri ka estemal karte hai. 

Esse poorv kisi ati yogya architect se mashvira karte hai. Makan ban jane ke bad use akarshak look dene ke liye hum enterior decorater ki madad lete hai. Ese sabke liye hum pehle se hi bajat bana kar chalte hai. Samajhdari bhi esi me hai. Akhir lakho-karodo kharch karke hum apna ashiyana banate hai. bawajood eske hume agar hamare hi ghar  se khushiya na mile to sari mehnat bekar hi samjho. Nissandeh architect hamare bhawan ko khoobsurat, hawadaar, majboot aur suvidhajanak to bana sakta hai, Lekin use sai mayne me ghar nahi bana sakta hai, Jaha hamari khushiyo ka basera ho. Eske liye hume vastushatri ki madad ki awashyakta hai.

Kai log hai, Jo ghar nirman se poorv hi vastu ko bhi prathmikta dete hai aur eske liye kharch ko bajat me shamil karte hai. Nirman ya shifting se poorve hi vastuke liye bajat bana kar vastushastri ko ese karya me shamil kiya jana chahiye, kyoki nirman ya shifting ke baad hame adhik paisa kharch karna pad sakta hai. Vastu ke liye animanit bajat 1 lac Rs. tak nirdharit kiya ja  sakta hai. vaise bajat ka kam ya jyada hona bhumi ke shetraphal, nirman karya ki paridhi aur avadhi par nirbhar karta hai. Vastu ke anusar banaya gaya bhawan bhikamprodhi bhi hota hai.

Read More

Uttranchal Ho Sakta Hai Aapka Agla Thikana

Deheradoon Se Kashipur Pirumdara Zimkorbett

Prakrity premi Uttranchal me apna chota-sa ashiyana banane ke liye aatur hai to developer bhi ese akarshan ko in dino nay sere se bunane me jute hai. Yahi wajah bhi hai ki eleke me hui shrati poorti ke baad ab Developer yaha apne project ki launching me lag gay hai. Chahe baat Rudraprayad ki ho yaphir Deheradoon, Haridwar, Ranikhet, Ram Ganga, Kashipur, ya phir aaspas ke nay projects banane ki ho. Developers ka man-na hai ki jin khamiyo ki wajah se tabahi hui thi, ab unhe door karke projects viksit kiye jayenge.

Ramganga ke sameep rising vally ke naam se bhi haal me affordable luxury cottage banane wale developer harvinder mathur ne kaha ki badh aane ke baad ab yaha nay project sabhi bato ko dhyan me rakhte hue taiyar kiye ja rahe hai. chunki prakrity ki god me rehne ke liye shahar ki bhag-daud bhari zindagi me badsar karne wale logo ke bheetar hamesha se akarshan raha hai. aise me yaha kai Developer phir se un akarshano ko poora karne me lag gaye hai. Yaha tak ki rising vally bhi ese maksad aur saare jaroori upayo ko dhyan me rakhkar taiyar ki ja rahi hai.

Prolife Estate Developer ne bhi Dehradoon (Bhauwala), Kashipur aur Ram Nagar ke Jim Corbete se mahaj 9 min ki doori per Freehol plots ko behetareen tareeke se develop karke behad sasti keemato per launch kiya hai, Deheradoon me bhi enhone Bhauwala jaise sundar aur teji se education hub me tabdeel hone wale shetra me bhi bade hi adhunik dhang se Freehold plots ho develop karke sasti daro pe launch kia hai jo logo ki pehli pasand bante ja rahe hai. Aur bhavishy me isni acchi keemat aut development ke maddenazar ye ek badhi sauda ho sakta hai.

Expertize India Developer yaha lease return ki guaranty ke saath cottage ki shreni launch kar raha hai. Jim corbet park se kareeb 10 Km ki doori per yeh 40 cotage bana rha hai. esi prakar se kai any Develpoer bhi aise project ki launching me lage hai.

Noida niwasi ravi ke anusaar jis prakar se shar me har samay bhag-daud rehti hai, aiseme pariwar ke saath sukoon ke pal betane ke liye es prakar ke sthalo per banne wale project hamesh se logo ko akarshit karte rahe hai.

Read More

Investors Ke Default Karne Se Aur Saste Honge Flats

Ravi Teja Sharma New Delhi: Short Term Investers builders ko paisa nahi de ra rahe hai. Esse developers ki musibat badh gai hai. Ese tarah ke investors aksar kai property khareedte hai aur 6-8 mahine me unnhe fayede per bech dete hai.

Ab badi sankhya me ye log builders se refund ki mang kar rahe hai. kuch mamlo me to be court bhi gay hai. yeh jankari kuch real estate consultants ne di hai. National real estate developers coucile ke president Naveen Raheja ne bataya, 'Hal ke mahino me sort term investors ki ore se defailt ke mamle badhe hai.'

Peechle kuch quarters me desh ke real estate market me susti badhi hai. housing segment per eska kuch jyada hi asar hua hai. Builder in deno sales badhane ke liye bamper discount de rahe hai. Resale market me bhi home buyers entezar karne ke liye taiyar hai. Esse buiders ke paas anbike gharo ki sankhya to badh rahi hai. daam bhi kam ho rahe hai. eske saath un logo ki sankhya bhi kam ho gai hai, Jinhe short term buyers kahte hai.

Property Broking firm indiahomes ke manager director samarjeet singh ne bataya, ' jab investors se paisa nahi milta hai, tab builder ka cash kam ho jata hai. Booking ka cancel hona to builder ke liye sabse kharab baat hoti hai. 'Property consultants ka kehna hai ki dwarka-manesar expressway per short-term investors se 50-60 feesadi nay appartments khareede the. Noida-Greater Noida Expressway per kareeb 33 feesadi nay gharo ki bookinh bhi unhone karwai thi.

Jaha kuch investors economic slowdown se pehle hi investment se nikal gaye the, wahi enme fasane wale logo ki sankhya kaafi badhi hai. Jin logo ne karz lekar pichle 1 saal me ghar kjareede hai, unme se kai aaj ghate me bhi ghar bechne ko taiyaar hai, kuch to 30 feesadi discount de rahe hai.

Jons Lang Lasaal India ke CEP (Operations) Santosh Kumar ne bataya, ' Short term investors ko builders ko hjuruati fund milta tha. Kai builder unhe kam daam per ghar bechte the. Aksar unhe approval se pehle hi project beche jate the.' Short Term investors ke default karne se builders ki halat aur kharab hogi, jo pehle hi inventery badhane se smushkil me hai. esse aage chalkar property ki keemat aur kam ho sakti hai.

Read More

Rental Growth Me Dwarka, Lajpat Aur Defence Colony Top Per

Delhi Rental Rates On Top

New Delhi: Ke Rehayashi Elako me rental growth the lihaj se dwarka sector 29, Lajpat Nagar aur Defence Colony ne sabse jyada teji dekhai hai. Pechle 4 saal se 6 mahine me en elako me gharo ka kiraya 5-8 feesadi tak badha hai. Dwarka sector 3, 6, 11, 12, 14, 22, 23, Vasundhra Enclave, Indraprasth Extension, Patpatganj, Pachim Vihar, Jaise elako me rental me koi khas badlav nahi aya hai, Jabki Kailash Colony, Kalkaji Extension me rental girawat dekhne ko mili hai. Property consultants aur research farmo ka kehna hai ki Metro ki prastavit lines aur anya infra projects ke chalte sthaniya property ki capital value to badh rahi hai, lekin rental gir raha hai. Aise elako me aage bhi rental per dabav bana rahega. Jankaro ka yeh bhi kehna hai ki agale 6 mahine tak south aur west delhi ke residential elako me rental per sabse jyada dabaw rahega.

Real Estate Portal Magic-Brics-Dot-Com ki head (content end research) Jayshri Kurup ne haliya sarve aur taja research data ke hawale se bataya 'Delhi ke jin elako me road linkez, modern transport, retailing behetar hui hai ya residential quality badhne ki sambhawana hai, waha rehayshi kiraye badh rahe hai. Pechle 3-4 mahino me rental value ke lihaj se Dwarka, Saket aur Mayur Vihar Phas-1 top per rahe hai. Eske baad Vasant Kunj, Malviya Nagar, Safdarganj Enclave, Hauz Khas, Sareta Vihar, Janakpuri aur Greater Kailash ka number aata hai. 

Agar growth ki baat kare to mila-jula trend nazar aata hai. 'Unhone bataya ki April se ab tak Dwarka Sector-9 me Rental growth sabse jyada 8%, Lajpat Nagar 1 me 6% aur Defence Colony me 5% badha hai. Yeh Badlav January se March Timahi ke mukable darj kia gaya hai. Waha Dwarka sector 3, 6, 11, 12, 14, 22, 23, Vasundhra Enclave, Indraprasth Estension, Patpadganj, Pachim Vihar jaise Elako me rental stable hai. Kailsh colony me rental 8 fesadi gira hai, Jabki Kalkaji Extension me 6 fesadi aur Malviy Nagar, Kalkaji me 4 fesadi ki giravat darj ki gai hai.

Portal k iek taja report me kaha gaya hai ki jin elako me metro, road corridore, flyover ya doosare tarah ke infra projects prastavit hai, waha kiraya ghat raha hai, jabki capital value badh rahi hai, logo me dar hai ki khudai, todfod aur jaam se living quality bigadegi, filhal Malviya Nagarme average rental value 22 rs prati varg foot monthly hai. East Of Kailash aur Chitranjan park me 27 rs., Dwarka ( sabhi sectors ka ausat) 12Rs. IP Extension me 17rs. Vasundhra Enclave me 18 Rs. aur Pachim Vihar me 11 Rs darj ki gai hai.

 

Sidhi Vinayak Basera Assosiate ke ravi kumar kehte hai, 'kai Posh aur mahange elako ke pas bheed badhne ke chalte kiraydar chitakne lage hai. Okhla industrial area ke aaspas aise trend dikhe hai, jabki kuch colloniyo me parking ki dikkat se rental me girawat arahi hai. 'Mayur Vihar phes me-1 aur 2 ke property dealers ka kehna hai ki Noida ke kareeb hone se multinational companies me kaam karne wale high paying professionals ka rujhan udhar ho raha hai, lekin be modern fixers and fittings chahte hai, jabki yaha ke jyadatar flat purane patern per bane hai. Esse en elako ko kai ache kiraydar nahi mil pa rahe hai.

Propery Consullants ke mutabik Delhi Sarkar aur Central Skeemo ke tahat agami mahino me South, South-West aur West me sabse jyada infra projects prastavit hai. chunavo ke maddenazar kai elako me construction chal bhi raha hai. Eske chalte agali 2-3 timahiyo tak residential rental per dabaw rahega aur 10% tak girawat asakti hai.  

 

Read More

GPA -Genral Power Of Attorney ke Jariye Owner Phir Se Bana Sakenge Property

Genral Power of Attorney Ke Estemal Se Dubara Property Banay Ab

New Delhi: Delhi Sarkar ne vidhansabha chunav se kuch mahine pehle janral power of attorney (GPA) ke Jariye property ki rajistry ko phir se manjoory dedi hai. Esse real eastate market me teji aane ki ummid hai. owner clear cell deed nahi hone se GPA ke jariye property sell karte the.

April 2012 me revenue department ne supreem court ke ek faisle ke adhar per sabhi GPA based property transaction per rok laga de thi. 2012 ke order ke pehle Delhi me kareeb 20 fesadi rajistry GPA transfer ke jariye hoti thi.

Delhi Sarkar ne 27 april 2012 ko order me sab-ragistrar offic, DDA aur NDMC ko october 2011 ke suprem vourt ke order ko follow karne ko kaha tha. Esme GPA ke jariye sell deed ka ragistration karne se mana kiya gaya tha. ab ragistrar property owner kisi bhi vyakti ke naam GPA kar sakta hai. Owner kisi bhi shaksh ko property manage karne ya use owner ki tarah se property transfer karne ka adhikar se sakta hai. halanki, GPA transaction title ko transfer karne ke liye mutation nahi kia ja sakta hai.

Read More

Ghar Khareedte Samay Corpate Area ko De Jyada Tarjeeh

Jaane Corpate Area ko kyu tarjeeh dena chahiye

Kisi flat ki diwar se lekar uska antrik hissa corpate area ke tahat aata hai. Yeh super Build Up Area se 15 se 20 feesadi tak kam hota hai. super build up area me corpate area ke sath flat ki jagah bhi shamil hoti hai. samanyatah builder aur khareerdar ke bech samjhoute me en builder aur kharerdar ke bech samjhoute me en bato ki jankari di gai hoti hai. Aapko yeh dekhna chahiye ki samjhoute e corpet area ke bare me charcha jaroor ho. Sath hi yeh bhi dekhe usme corpate area se kam flat dene ki sthiti me samjhouta khatm karne ki shart jaroori judi ho. aisa hone per aap samjhouta khatm karne ka adhikar hoga aur kisi tarah ki jurmana bhi nahi dena hoga.

Kaise jane Ghar ki Wajeeb Keemat

Samanyatah builder flat ki keemat me bijli, pani aur parking ki suvidhao ka shulk bi jodte hai. Aapko yeh dekhna chahiye ki sambandhit suvidhaon ki charcha samjhoute ki sharto me shamil ho, Eske sath hi builder project me kisi badlav ke liye bhi kharidaro se shulk wasoolte hai. yeh dekhna na bhule ki sarkar se project me badlaw ki manjoori mili hai ya nahi.

Builder Ke Pichle Project Ki Kare Padtaal

Kai Mouko per builder project me de gai jankari se alag flat ki jagah me kami ya vraddhi kar dete hai. Eske liye aap builder ke pichle project ki padtal kar sakte hai. Yadi pehle se anya logo ne falt khareed rakha hai to unse jaankari hasil kar sakte hai. Yadi samjhoto me tay seema se jyaada kam ya jyaada adhik badlaav na karne ki shart judi ho to yeh behtar hai.

Kabje ka Certificate Lena Na Bhule

Builder aur Kharidari ke beech samjhoute me project ke poora hone ki shart bhi shamil hoti hai. Kai mouko per builder flat soupne me tay awadhi se ek se do saal tak ki der karte hai. Yadi aisa hone per aap builder se jurmana mang sakte hai. sath hi jab builder aapko ghar banakar soup raha ho to uska certificate lena jaroor le. yeh aapke malikana haq ka pramaad hota hai.eske saath hi anya dastavej ko antim roop dena na bhule.

Read More

RRTS Se Sawaregi Elake ki Surat

Mono Train Aapke Sapno Ki Train Aa Rahi Hai.

Rapid rail shuru hone ke sath hi waqt aapki mutthi me hoga. Bhale hi jebh halki ho, per keemati waqt aapka hoga. aap aasani se Merut, Alwar aur Panipat jaisi jagaho per makaan kharid ker apna awagman asan ker sakte hai. Kya hogi bhavishya iski surat aur logo ke liye kitni mufeed rahegi yeh yojna, yaha se jaane poora vivran.

Rapid Rail Transit Syatem (RRTS) per muhar lagne ke saath hi Delhi se Alwat, Merut aur panipat ke beech ab doori ghanto ki bajay minto me poori ho sakegi. Jaha ek ore logo ko awagman ka sadhan milega, wahi dusru ore sapne ke ashiyane banane ke liye naye sthan bhi sulabh honge.

Kaha jata hai ki bhi ilaake ka vikaas karna hai to yatayat ke behetar saadhan uplabdh kara do, yeh baat NCR ke vikaas me poori tarah se charitarth bhi hui hai. Delhi aur NCR ke kai Elaako me builders ne yatayat ke saadhan na hone ke bawajood bahanebaaji se makan beche. Aaj log yaha makan khareed kar pareshan ho rahe hai. Builder ne apane daavo me kaha ki Metro ki yaha se doori sirf 20 mmnut ki hai. Agar yatayat sadhan na hote to yeh doori aur bhi mushkil hoti.

Ab baari hai NCR se kuch aur aage ke vikaas ki. kahane ko to Merut, Alwar aur panipat ki doori itni hai ki log yaha jakar basne ke bare me sochne bhi katrate hai, lekin logo ki esi soch ko ab kendriya shahri vikaas mantralay ne poori tarah se badalne ki yojna bana li hai. Merut me jaha flyover ke saath saathkai naami builders ne project shru kar dia hai, wahi Alwar, Bahadurgarh, Bhiwani, jaise elake bhi logo ke liye har range ke makan dene ko taiyar hai. Bahadurgarh me to pehele se hi Metro ke pahuchne ka rasta saaf ho gaya hai, Lekin Merut, Alwar, aur Panipat me High Speed rail pahuchne per muhar lagne ke saath hi in elako me bhi property me boom aane ki sambhawna panapne lagi hai. Merut me mojood sa,ay me property aap 8 lac rupaye se lekar 45 lac rupayee tak ke flat behad umda quality me prapt kar sakte hai. waise to agar baat Delhi-Merut Corridor ki kare to ese per Gaziabad ko katai nazarandaaz nahi kia ja sakta hai, kyonki highspeed ka pehla padaw to yahi se hai. Esliye yadi property me nivesh ka khyal hai to yeh elaka Delhi ke ekdam nazdeek hai. yaha property ke rate bhi lagatar badh rahe hai.

Govindpuram me project me jute manoj gour ka kehna hai ki kuch mahino ke bhitar hi yaha property ke rate me dogune se bhi adhik ka ezafa lazimi hai, esiliye yadi koi nivesh karne ka khayal rakh raha hai to eske liye yeh samay upyukt hai. shighr hi yaha paripheral-way chalu hone ki poori ummid hai, Jiske baad logo ke liye high speed rail aur sadak marg dono ke jariye apne aashiyane tak pahuchne ka rasta sulabh hoga.

Unhi ki tarah bhiwari ke trehan group ke CMD  harsh Trehan ka bhi khyal hai. Noida me property ke rate badhe hai, uske jis tarah se Delhi wa Gurgaon, Noida me property ke rate badhe hai, uske baad aam logo ke liye makan banane ke hisab se NCR ke yeh elake hi sabse badhiya hai.

Yaha abhi property ke rate kam hai, per high speed rail tatha express high way taiyar hone ke baad zameen ke rate yaha bhi aasmaan chune ko taiyaar honge. Aise me jaroori hai ki log bhiwani, bhiwadi, alwar, panipat jaise elako ki andekhi na kare.

kuch aise hi maan-na hai Gardenia Group ke sansthapak adhyaksh ka. Unke mutabik Merut, Alwar, Panipat jaise elake Delhi ke aur nazdeek aa jayenge. Log chahe to en elaako me abhi unhe sasti keemat per zameen aur flat aasani se mil jayenge, lekin 2016 me rapid rail ke pahuchne ke baad keemate aasmaan per pahuchengi, jis tarah se Delhi ke bahari elake ab aam aadmi ki pahuch se bahar ho chuke hai. theek usi tarah se yeh elaake bhi rahne ke liye to badhiya ho jayenge, magar kharidne ke liye jebh se bhari rakam chukaani padegi, aise me abhi nivesh karna ek elako me fayede ka sauda hi saabit hoga.

Property expert Atul thaku ke anusaar merut bhale hi krime ke liye pehchana jata ho, lekin pechle kuch samay ke bhetar yaha teji se vikaas hua hai, Vishwavidhyalay to pehle se hi hai, Ab property ki keemate bhi 15 se20 feesadi tak badh chuki hai, Yahi sthiti Alwar ki bhi hai. yaha keemato me bahut mamuli ezafa hua hai.

High Speed rail pahuchne ka rasta saaf hone ki baat samne aate hi elaake me keemato ki lekar uthapatak agle kuch dino me dikhne lagegi, rahi baat panipat ki to use shahar ka bhi apna mizaaz hai. yaha bade builders ki nigah bhi padegi aur ache project ke jariye logo ki unke pasandida ashiyane dene ki karyawai shuru hogi. waise khud sarkaar ke bhi kuch project en elako me pipeline me hai. Esse bhi log nivesh karke kismat aajma sakte hai.

---

For More Details Contact (Consult Me If you are looking for information about Property)
Bhanu Pratap (Property Consultant)
Mobile: 9716883044
Mail: bhanu16@gmail.com

---

For any Web or SEO, Internet Marketing Solutions in Delhi, NCR
Visit. xtrawebsolutions.com

Read More

Builder Se Pareshan Hai, Online Manch Banaye

Social Networking va anya online forums ke madhyam se grahak ko apni property ya real estate se judi dhero samasyao ka samadhan mil raha hai. aaj grahak online shikayati portals per bhi apni shikayate darj kar rahe hai. ghar kharidne ke alawa property kharidne ya bechne per lagne wale kar, home loan, creative designe va interior ke bare me bhi log in protols ke madhyam se jankari prapt kar rahe hai.

Canada me rehne wale ek karobari 40 years Amit Goyel ne Gurgaon me ek builder ke ek project me flat book karaya. Is flat ki keemat 1 crore rs thi. Isme se enhone 80 lac rs jama bhi kara diye builder se taye sharto ke mutabik inhe apne flat ka kabza January 2013 me milna tha. per ise sambandh me unhe builder ki ore se koi jankari nahi mil pa rahi thi. karobar me vyasth-ta ke chalte property ki vartaan sthiti dekhne ve Gurgaon nahi ja sake. kagazo me diye gaye builder ke phone number aur Email Id per unke kai baar phone aur mail karne per  bhi builder ne project ke pura hone va flat ka kabja diye jane ke bare me sahi jankari nahi di. kuch dino unhone Facbook per dekh ki usi project me nivesh karne wale bangloru ke ek grahak ne bhi wahi samasya batai, jo unke samne thi. iske baad unhone us dusre grahak ke saath milkar Facebook per ek shikayati page banaya. kuch hi dino me ise page per kai sare log jud gaye. is baat ki jankari facebook ke jariye jald hi buildero ko bhi ho gai. tatkal usne sabhi grahako ko mail bhej kar project poora hone me deri ke liye maafi mangi, sath hi project ko poora kar flat ka kabja dene ki nai tithi ki ghoshna bhi ki.

Aaj ke samay me property ki uplabdhta, uski keemat, location aadi ki jankari, bade paimane per makaan.com magicbriks.com jaisi badi property va real estate se judi Websita ke madhyam se bhi ja rahi hai. Isi tarah commonfloor.com jaise kai online charcha forum bhi hai, jaha property va real estate ke kharirdar va vikreta vibhinn muddo per sanwaad karte hai. Inke madhyam se kai property ki khareed - bikry ho jati hai.

consumercomplaints.in, consumercourt.in, consumerforum.in, consumerredressal.com and complantsindia.com jaisi websits grahak va builder ke beech ek pul ka kaam kar rahi hai. badi sankhya me grahak in websits per apni shikayate darj kara kerke unka samadhan pa rahe hai. Real Estate ke jankaro i mane to Online forum ki real estate me mahatwapoorn bhumika hai. Jyadat projects me nivesh karne ke pehle grahak uske pichle records ki janch jaroor karta hai. aaj ke samay me grahak ye jankariya jutane ke liye online forum ka bhi prayog karte hai. Aise me yadi kisi builder ya property ke bare me dhero online shikayate hoti hai to uske liye dhero muskile badh jaati hai.

Jyadatar badi aur prathisthit real eastate conpanies online shikayat aane per uske jald nistaran ka prayas karti hai. yadi company ko lagta hai ki shikayat galat ki gai hai to we iska spastikaran bhi deti hai.

Real Estate karobar ke jankar rakesh purohit ne bataya ki real estate me karobar me online forum kafi prabhavi hai. kuch samay tak kisi builder ya property se sambandhit shikayat online forum ke chalte dhero grahak nivesh karne se pehle builder ki vishwasniyata ko janch lete hai. yadi unhe lagta hai ki builder unhe dhokha de sakta hai to ve aasani se property me nivesh na karne ka nirnay le sakte hai. per ise prabhavi forum ko desh me aur majboot banane ki jaroorat hai. online forum ki sabse badi kamjori hai ki ve shikayatkarta ko pahachan ko nahi janchte. Kai baar real estate companiya ek dusre ke project ke bare me galat jankari failane ke liye is forum ka prayog karti hai. wahi dusri taraf is forum ki sabse badi kamjori hai ki is forum per jo shikayate darj ki jati hai, unhe websits ke sanchalak builders tak nahi pahuchate. wahi dusri taraf jin shikayato ka nistaran builder kar dete hai, unhe websits se hataya bhi nahi jata.

Is websits ka prayog karne wale logo ke liye aisi websit per apni shikayat darj karana behetar hoga, jo aapki shikayat builder tak pahuchaye tatha usse prapt uttar grahak tak pahuchaye.

In online forums per nimn bato ki pramukhta se chahcha ki jati hai.

• Project ke late hone, samay per pojeshan na milne va project ke nirast hone ke sabandh me.
• Kanooni prakriya se sambandhit jankari va kagazi karyawahi ki poori jankari ke sambandh me.
• Home loan lene ki prakriya va bank tatha anya vitya sansthao ke loan ke bare me.
• Tax, maintenance, charge va anya kharcho ke bare me.
• Project me pani va bijli ke conection se judi sharto ke bare me.
• Property ki keemat ke bare me etc.

---

For More Details Contact (Consult Me If you are looking for information about Property)
Bhanu Pratap (Property Consultant)
Mobile: 9716883044
Mail: bhanu16@gmail.com

---

For any Web or SEO, Internet Marketing Solutions in Delhi, NCR
Visit. xtrawebsolutions.com

Read More

Noida Me 40 Se 60 Lac Ke Ghar Asaani Se Uplabdh

Bajat Aisa Jo Sabki Jeb Ko Bhaye

Noida ke mid-segment rehaishi bazaar me developer aur ghar kharidne walo ke liye 40 se 60 lac rupay sabse mahatwapoorna keemat hoti hai. Neeji developerske 80 feesadi se adhik "ready to moov-in" aur nirmanadheen projects esi shreni me aate hai.
Investor clinic ke CEO hunny katiyal kehte hai, " Ise keemat me ready to-moove shreni ke vikalp moujood hai. Noida-Greator Noida Expressway per lotus bulevard ,sector 119 me gour graounder jaise kuch vikalp moujood hai, jaha aapko 60 lac ki keemat ke aaspaas 2-BHK Flat mil jayenge. Iske alawa ready to-moove in shreni me naye aur purane sectors me noida pradhikaran ke MIG flat ka vikap bhi moujood hai. Real Estate brokrage firm a-to-z properties ke nirdeshak ravi mehta kehte hai, " 'Ghar kharidne ki ischa rakhne wale logo ko mai sector- 100  me MIG flat lene ki salah dunga. 112 meter em bane flats ki keemat 60 lac rs. ke aaspaas hai. Noida pradhikaran ne in flats ka kabja mahaj 4 mahine pehale hi diya hai. 37, 19, 25 aur 29 jaise purane sectors me bhi residential quarters ka vikalp moujod hai, lekin meri rai me waha makan acha nahi rahega kyoki ek to makan kharidna acha nahi rahega, kyoki ek to ye makan 20 se 25 warsh purane hai aur dusra, real estate bazar me inki wastawik keemat se kahi adhik manga ja raha hai.

Seemit vikalp ke bawajood kai agaami sectors me nirmaanadhin projects me navintam sukh-suvidhaon ke saath apartment moujood hai. inme se kuch JP Vistown, Cosmos (sector 134 ), Kensington buleword (Sector 131), Kasa Aisalse (sector 129 ), Prinsle estate (Sector 76), Zodiak (sector 120 ), platinum (sector 119), 3C Ka Lotus buleword aur lotus panash, paramount ka florvile (sector 137), aur unitech ka unihoms etc.
Kotiyal ka man-na hai  ' ise mulya-varg me mang adhik hone ka karan hai ki ye sabse kam keemat ki property hai. kuch saal pehele tak, jab ye project lounch hue the, tab inme nevsh adhik the aur antim upbhogta kam. use samaye in flats ki keemat 35 - 40 kac rs ke beech thi. moujooda paridrashya uske bilkul ulat hai. niveshak apna labh kama ker ja chuke hai to ise shreni me adhik kharirdaar end-user hi hai.
Real Estate jaankaro ka kehna hai ki Noida me ek ausat mid-segment makan ki keemat 4,000 se 6,000 rs varg foot ke hisaab se hai. wahi luxry gharo ke liye yeh keemat 12 se 15 hazaar rs prati varg foot ke beech hai.
Reliance homes ke gourav tiwari ka kehna hai, 'nirmanadheen projects me ek 2-BHK Flat 900 se 1200 varg foot ke area moujood hai aur unki keemat 45 se 60 lac beech hai. ye project behetareen sukh-suvidhay, jaise 24/7 pani, uchit parking, club, samudayik kendra, Delhi se asaan connectivity de rahe hai. ye premium aur adhunik awasiy pariser hai.
Halanki, Noida pradhikaran ke apartment me neeji developers jaisi suvidhaye nahi hai, lekin makano ke akaar me koi fark nahi hai. investment smile reality ke rahul chaudhary Noida authority ke flat per charcha karte hue kehte hai, Noida pradhikaran ke flats me aapko power beckup nahi milta, 24 ghante pani nahi milta, club aur munasib suraksha bhi nahi milti, 'Mehta aage kehte hai,  'Lekin, agar aap Noida Authority ka aisa flat kharidte hai, jiska shetrafal 112 vagr meter hai to aapka corpate area 6 se 8 feesdi kam hoga. kuch developers 1050 varg feet ka flat bechte hai, lekin kabje ke waqt corpet area ghat ker 700 varg foot tak a jata hai.

---

For More Details Contact (Consult Me If you are looking for information about Property)
Bhanu Pratap (Property Consultant)
Mobile: 9716883044
Mail: bhanu16@gmail.com

---

For any Web or SEO, Internet Marketing Solutions in Delhi, NCR
Visit. xtrawebsolutions.com

Read More

Chahiye Sasta Makan, Yaha Aiye

Ghar ki talash kar rahe hai? Pehle ye jaankaari zaroor prapt kar le.

Delhi mein ek neeji company me kaam karne wale rajendra kumar Gaziyabad sthit vasundhra me ek kiraye ke makan me rehte hai! umra 45 paar kar gai hai. badhti umar ke sath apne ghar ki chinta satane lagi hai. Bank se loan aur kuch jama kiye hue paise ko jod kar ve 30 lakh rupaye ke aas paas ghar lene par vichar kar rahe hai. kai mahine se ek behetar ghar ki talash me ve aaye din builderon ke  offices ke chakkar laga rahe the, lekin kahi jagah kam milti to kahi manpasand construction nahi milti. aise me unone ek property consultant ki madad li. Delhi and NCR me rehne wale jyadatar madhyam (middle class) warg ke log 25 se 30 lakh rupaye ki range me ghar chahte hai, par NCR me badhti kemato ke saath ab ise range me gine-chuni property hi mil pati hai, haa, kuch ilake aise hai, jaha aapko behetar vikalp mil sakte hai. Aiye jaane in ilako ke bate me.

Yadi Rehne ke liye jald chahiye ho Ghar

Yadi aap jaldi rehne ke liye ek ghar ya flat chahte hai to aapko greater noida west, yamuna express-way aur rajnagar extension jaise ilako me 25 se 35 lac rupaye ke beech flat mil jayenge. kai builder ise ilaake me behetar gunwatta wale project bana rahe hai. halanki aapko behetar deal ke liye khud property  ko aachi tarah se janch-parakh kar hi  kagajo per dastkhat karne chahiye.
FNG ( Faridabad-Noida-Gaziyabad ) expressway ke aaspaas ke ilake me aapko 30 lac ke ander behetar property mil sakti hai. ise express way ke chalte yeh ilaka kafi teji se viksit ho raha hai.aise me aap yaha nivesh kar sakte hai. yadi aap nivesh karne ke lihaz se property lena chahte hai to ye ilaaka behetar hai. par yadi aap kuch bajat badhane ko taiyaar ho to gaziyabaad me crossing ripublic bhi ek behetar vikalp ho sakta hai. Faridabad me nahar paar ke ilaake me bhi aapko 25 se 30 kac ke beech aachi property mil sakti hai.

Lambe samaye Ke liye Merut hai behetar vikalp

Property me nivesh ke lihaz se merut ek behetar vikalp hoga. agale aath se 10 varsho me merut me property ke daam kai guna badhne ki ummid ki jaa rahi hai. Gaziabaad me bane naye bus adde se merut tak rapid train chalaye jaane ka prastav hai. rapid tain ko shuru hine ke baad merut se gaziabad ki duri aap adhik se adhik 20 se 25 minut me taye kar sakenge aise me yadi aap merut me yadi aap merut se 25 minut me gaziabaad aa jate hai to 1 ghante me Delhi pahuch jayenge. Isiliye yadi aap abhi merut me nivesh karte hai to lagbhad 25 lac rupaye me kisi thek thak location me aapko 120 guz ka do manzila makan bhi mil sakta hai. abhi Delhi-Merut par traffic adhik hone ke chalte logo ko Delhi pahuchne me kaafi samaye lagta hai. lekin rapid train shuru hone par yeh samasya door ho jayegi.

Mere anusaar kisi bhi ilaake me property ki mang rozgar ke badhte vikalp aur transportation ki suvidhaon ke chalte badhti hai. Delhi aur aaspaas ke ilako me rozgaar ke saath hi behetar transportation uplabdh hai. rapid train se merut se Delhi aana behad aasan ho jayega.
Merut me nivesh ke liye ek behetar vikalp hai. Bhavishya me sambhavnao ko dekhte hue buildero ne bhi Merut me highway per apne project shuru kar diye hai. isme se kai bade builder bhi project shuru karne ki ghoshna kar chuke hai.

Yaha Nivesh Karne Se bache

Rehaishi ilako ki maang ke badhne ke saath hi loni, bahadurgarh aur bagpat ke ilake me bhi property ki mang badhi hai. Kuch builder yaha bhi project shuru karne ki yojna par kaam kar rahe hai. par yaha pse Delhi ke liye behetar transportatin per filhaal vichar nahi ho raha hai. isiliye yaha nivesh karna behetar nirnaye nahi hoga. yaha property ki keemat badhne me kaafi samaye lagega.
Vahi dusri taraf Sonipat, Panipat me bhi nivesh karna behetar vikalp nahi hoga. yaha property bazar kaafi dheemi gati se badh rahe hai. yadi aap yaha nivesh karte hai to aapko return ke liye kaafi lamba intezar karna padega.

In baton ka rakhe khayal

1. Yamuna Express-way ke aaspaas ke ilako me resale me property na kharide. yamuna express-way authority me property ko transfer kara paana asaan nahi hoga. yadi aap power of atorny per property kharidte hai. to aane wale samay me aapko muskile badh sakti hai.
2. Kahi bhi property lene ke pehle uski sahi keemat ka addyayan kar le. isiliye brokaro ki bajaye waha ja kar sthaniye logo se property ki keemat ka anumaan lagaye. Yadi property dealer waha ke sthaniye logo dwara bataye gaye daam se jyaada daam bataye to deal na kare.
3. kagazo ki aachi tarah se janch karne ke baad hi property kharide. yadi aap kisi builder se property kharid rahe hai to uski viswasniyata jaroor janch le.
4. Yeh zaroor janch le ki aapko jo keemat batai ja rahi hai, uske atirikt kisi anya cheez ka bhugtaan to aapko nahi karna hai. yadi deal final ho jaati hai to kaagazo me is baat ki zaroor darz karaye ki property per ki prakaar ki dendaari aapki nahi hogi.

---

For More Details Contact (Consult Me If you are looking for information about Property)
Bhanu Pratap (Property Consultant)
Mobile: 9716883044
Mail: bhanu16@gmail.com

---

For any Web or SEO, Internet Marketing Solutions in Delhi, NCR
Visit. xtrawebsolutions.com

Read More