Vastu Aur Fengshui Ke Anusaar Bhagyank Aur Shubh Rang

Har rang ka apne ek swabhav hota hai, koi rang nipunta pradaan karta hai, koi sahajta aur koi shanti ka anubhav karata hai to koi rang man me uttejna lata hai. Har vyakti ki janm tithi ke bhagyank ke mutabik uske liye alag-alag rang hote hai.

Koun Se rang apke bhagyank Ke Anusar Apke Liye Faldayi honge?

Ghar me shubhta bahi rahe, eske liye apke paas madhyam hai rangi ke chayan ka. Aap apni janmtithi va bhagyank ke anusaar apne ghar ki diwaro, pardo, furniture va sofe ke fabric me rango ka chunaav kar esme badhotri kar sakte hai. asar log kahte hai ki laal rang shubh hota hai va kala rang ashubhta lata hai, par fengsui va panch-tatvo ki agar baat ki jay to tatvo ke adhar par har rang ka apna ek prabhav hota hai, adhiktar vyakti Uttar va Poorv disha ko behtar mante hai,

Uttar disha ka pratinidhitv jal tatv karta hai, Neela rang jal tatv ko darshata hai. Es disha me neele rang ke saath-saath kale rang ko bhi manyata di gai hai, Jabki laal rang ko es zone ke liye ashubh bataya gaya hai, kyoki vah agni tatv ka pratinidhitv karta hai. Hame yeh dhyaan rakhna chahiye ki koi bhi rang ashubh nahi hota hai, par tatvo va dishao ke anusaar unke prabhav me pariartan jaroor aa jata hai. jal, agni, vayu, dhatu va kaasht yani lakdi ye pach tatv fengshui ke antargat aate hai, jinka koi na koi na koi subh ashubh ran hota hai.

Ham vastu ke niyamo ke anusaar to parivartan kar lete hai, parantu rango ke chayan ko lekar utna gambhir nahi hote, jiske chalte nikar bhavishya me samasye aati hai va ham unka kaaran bhi gyaat nagi kar pate. Dishao ke anusaar rango ke prabhav me antar aata hai.

Apni Janmtithi se esko ham behtar tarike se prayog me la sakte hai. Yadi kisi vyakti ki janmtithi 04-03-1981 hai, ab ham yadi janmtithi se bhgyank nikale to 8 ank aata hai, jo ki bhumi tatv ko darshata hai. Esi prakar har vyakti ka apna bhagyank hota hai, Jiske anusaar use ghar me rango ka chayan karna chahiye.

Jal Tatv Ka Ank 1 hai

Neela va kala, dono hi rang es ke liye shubh faldayak hote hai. Aise vyakti ko hamesha prasidhi prapt karne wale karyo me ruchi rahti hai. eske saath-saath va gatishil bhi hote hai, bade star par kary karne ka rujhan man me rahta hai.

Enhe apne shetra me aage badhne ke liye jal tatv wale zone me yani Uttar disha ko Urja se bharna chahiye.
Aise rang aapke dil evam dimaag ko tarotaza rakhte hai. Profesional jaise ki charted accounted, doctor aur naukripeshe valevyakti va sarkaari vibhag se jude karmchari ko jal tatv ko badhane vali chijo ko ghar me rakhna chahiye jaise ki nadi ya samudra ki painting, fountain, etyadi laga sakte hai.

Agni Tatv Ka Ank 9 Hai

9 Ank agni tatv ka pratinidhitva karta hai. eski disha Dakshin hai, agni tatv hone se swabhavik hai ki aise vyakti me Urja ka sanchar adhik marta me hota hai.

Yadi Dakshin disha me bhumigat jal tank hai, boring hai ya Bhubhag kata athva badha hua hai to aisi sthiti me vyakti ko karyo me asafalta bhi mil sakti hai. Engineering ya tecnical vibhag se jude hue logo ke liye yah upyogi tatv hai. Enhe karysthal par eski badhotri  karni chahiye. Laal, kesari va esnse milte-julte rang agni tatv ke dosho ko door karne me sahayak haote hai.

Bhumi Tatv Ke Ank 2,5 aur 8 hai

Bhumi tatv ke liye peela va bhura rang jana jata hai. yadi kisi ka bhagyank 2 hai to use ghar ke Eshaan kon me peela rang avashya prayog karna chahiye. peele ya cream rang ke parde, furniture, sho-peace va anya saman ko saaf-suthre tareeke se rakha ja sakta hai. jaha par atiti kaksh hai, vaha soorajmukhi plant kagana sakaratmakta lata hai. bhumi sambandhi karyo me laabh milta hai, parantu yah us jatak ki poorn janmtithi par nirbhar karta hai ki uski janmtithi me koun se ank upasthit hai aur koun se nahi.

Lakdi Tatv ke Ank 3 va 4 hai

Ya Ank kashth tatv ka pratinidhitv karta hai. Eski disha pachim va poorv hai banking, accounting, vittiya sansthano ke shtera se jude logo ka bhagya yadi 3 va 4 hai to dhyan rakhe ki karyasthal va ghar par es tatv me kami naa aye. eska prabha badhane ke liye es zone me wind chimes lagai ja sakti hai.
Safed, peela, cream rang es bhagyank ke logo ke liye behad shubh fal deta hai, yadi es zone me koi bhag kata hua ha i to yah aapko dhan sambandhi, loan sambandhi va samajik samasyae de sakta hai.
Do safed ghodo ki painting bhi es tatv se labh lene ke liye lagai jaa sakti hai.

Dhatu Tatv ke Ank 6 va 7 hai

Yadi ki vyakti ka bhagyank dhstu tatv ka hota hai to aise vyakti ko hamesha kisi na kisi se protsahan va samarthan prapt hota rahta hai. eski disha poorv hai. Jo loog kray-vikray, loha, cosmetics, faincy maal, kheti-baadi, building material, fasal, paramparik vyasay va yatayat se sambandhit vyavsaay me karyarat rahte hai, unke liye jaroori hai ki ghar me hare rang ki upasthiti avashya ho

Hare rang ka prayog pardo ke roop me, divar par rang ke roop me kiya ja sakta hai. eske saath hi hariyali se sambandhit chitra bhi lagaye jaa sakte hai.

Chote-Chote se ye samanya parivartan aapke jeevan aur ghar me badi khushiya la sakte hai aur aapke bhavishya pareshaniyo se bacha sakte hai.

Read More

Baccho Ka Kamra Kaisa Ho

Baccho Ki Tarah Sajay Baccho Ka Kamra

Jab bhi aap bacche ke liye kamra sajay to es baat ka dhyaan rakhe ki kamra uski jaroorat aur umar ke hisaab se fit baithe.

Jab bhi ham apne baccho ke liye kamra taiyaar karne ki baare me sochte hai to sabse badi chuk yeh kar jaate hai ki use bado ki tarah parfect banane ki kosis me jute rahte hai. Use apne hisab se taiyar karne ki yojana banate hai, Lekin visheshgyo ka manana hai ki bacche ka kamre ko agar sahi mayano me taiyar karna hai to bacche ke star par jakar sochna hoga. Uski jarorate kya hai, uski pasand-npasand aadi bato ka dhyan rakhna hoga.

Nursery Children Room

• Agar aapke ghar me baccha hai to use sirf ghar me farsh se matlab hota hai. vah to vahi par khelta rahta hai, esliye ghar me jyaada se jyada khali space hona chahiye jisse baccho ko khelne ki khoob jagah mile.

• Jin furniture ka jyada estemal na ho, unhe hata de.
• Diwaro par gaadhe rang karwana accha rahta hai. Ha, paint jaroor washable hona chahiye, jisse bacche jo diwar par likhe ya range, use saaf kiya ja sake.

• Diwaro par aise waal paper lagwa sakte hai, jin par cartoon ya narsary poems likhi ho ya unke character bane ho. Eska ek fayeda yah hai ki en walpapers ko aap asani se utaar sakte hai aur jab bhi apne bacche ke kamre ko phir se sajane ki soche to aisa kar sakte hai.
• Es baat ka dhyan rakhe ki bacche ki pahuch me koi nukili chij na aane paye. Bijli aadi ke switch bhi unki pahuch se door hi rakhe, Chote bacccho ke kamre ke liye en bato ka khaas khyal rakhe. 

• Flooring acchi honi chahiye
• Shelf chaude hone chahiye
• Parde kamre ki theme ke anusar hone chahiye

Pre-Teen Children Room

5-6 saal ki umra ke baccho ke baccho ki jaroorat badhne lagti hai. aise e unhe yah bhi seekhana avashyak hai ki kamra thik karne ki jimmedari unki hai, Diwaro par jyaada gadhe rang na karwaye, en baato ka dhyaan rakhe-

• Jyaada cabard aur shelf hone chahiye.
• Ek bacche ke liye singal bed aur do baccho ke liye dual level bunk bed hone chahiye.

Teenager Room

Kishoravastha me kadam rakh chuke baccho ke liye aap kisi khas niyam ko nahi apna sakte. es umar ke baccho ke liye acchi privacy mahatv rakhti hai, esliye darwaje acchi tarah se lock hone vale ho, khirkiyo ke sheeshe bhi transparent nahi hone chahiye.

Poore din ki thakaan ke baad aram karne ke liye avashyak sabhi suvidhay honi chahiy. Aapse ve jo saaf-safai, jimedari, privacy aur milyo ka paath seekhenge, ve poori jindagi unke saath rahega.

Read More

Basement Ka Kya Upyog Ho Sakta Hai

Basement Basics

Dosto, kuch log aksar ghar me basement banane ke baare me sochte hai jisse wo eska estemal rahne ke liye ya kisi dusre kaam me estemaal kare ya phir kiraye par de sake, Aiye aaj es bare me kuch jankari le lete hai.

Kya Hai Basement?

Yeh vah sthan hai, jo Graund level ke neeche bana hota hai, Niyamo ke mutabik basement space ko avasiye uddeshyo ke liye estemaal nahi kiya ja sakta hai.

Basement Ka Kya Upyog Ho Sakta Hai?

National Building code dwara nirdharit kiye gae niyamo ke anusaar basement ka upyog keval storage va parking ke liye hi kiya ja skta hai

Group Housing Me Basement

Esme basement nirman ki anumati parking, utilities, aur services ke liye hai, leking eski gadana area floor area me nahi ki jati hai.

Basement Banane Ki Sohch Rahe Hai?

Agar aap basement banane ki yojna bana rahe hai to aapko sthaniya vikaas pradhikaran se eski poorv anumati leni hogi.

Swikrat FAR se Jyada Nirman Na Kare

Agar Aapne ek swatantra plot par ghar banaya hai to aap swikrat yogy floor area resio se jyada nirman nahi kar sakte.

Read More

Ghar Me Vastu Parivartan Se Mahilao Ko Kya Labh Hai

Mahilao Ko Karyasthal Par Dilay Vishesh Pahchan

Aaj mahilay swatantra roop se apna vyavsaay chala rahi hai, saath hi office me garimamayi upasthiti darj karwa rahi hai! Karyasthal par apne dimaag evam buddi ka prayog karke vikaas kiya ja sakta hai, par kaise? yeh jwalant vishay hai!

Apne dimag ya mansik star me vikas karne ke liye kai chije sahayak hai, ek vidhi yeh hai ki aap pahle hi tay kar le ki koun sa shetra me karya karna chahiye, yah kafi had tak pata lag sakta hai.

Aisa karne ke liye sahi disha me karya karne se safalta milna swabhavik hai, jaroori hai ki aap me viswas ho, aap chust ho evam sabse adhik jaroori hai ki aa sapni shramtao ko prayog me laye, yadi ek mahila apni shramtao ko pahchan kar karya karti hai to use ache parinam mil sakte hai.

Vastu Ke Anusar Mahilao Ko Kya Karna Chahiye?

Upaay

• Eske liye ghar ke dakshin-porv zone me kisi lal rang ke phool ki tasveer lagayenge to acche parinaam milenge.

Sahi Eshan Kon Kare Vichar Shakti Me Badhotari

Ghar ya karyasthal par eshaan kon ka sahi hona eske liye avashyak hai. Aksar ji gharo me es zone me dosh hota hai, vaha soch me nayapan ya adhunikta nahi aa pati! esi ke saath jeevan ke kai karyo ko asan kar dene vali sakaratmak soh bhi esi zone se prabhavit hoti hai, jiske chalte yah behad mahtvapoorn disha mani jati hai.

Apne ist devta ki ya jis vyakti se aap prabhavit hai, uski tasvir es zone me laga de. aap dekhenge ki aap m eus vishay se sambandhit gatividhiyo ko karne me pahle se kahi adhik sakriyata aa gai hai.

Upaay

• Uttar-poorv me kabhi jhadu, gandagi ya safai se dambandhit saman ya upkaran na rakhe.

Badhao Ko Rokne me Saksham Fengshui

Atm vishwas kisi bhi vyakti ki safalta pratpt karne ki kunji hai, kuch shran hote hai jab hamara atmvishwas poorn hota hai, usi tarah kuch pal aise bhi hote hai jabki ham me eski kami hoti hai.

Kahte hai dakshin disha buri hai ya ashubh hai, parantu aisa bilkul nahi hai. yadi kisi ghar me dakshin disha ka shetrafal anya disha se kam rahta hai to vaha rahne wale vyaktiyo me samanyataya vyavsaay me sthirta me kami dekhi ja sakti hai, vyakti ke jeevan me sangharsh bhi badh jata hai.
Jo log media se ya kisi sarkari vibhag ya kanooni vibhag se jude hai. es disha ko vyaktigat vastu ke anusaar prayog me lane se safal parinaam prapt kar sakte hai.

Tips

• Dakshin me jal tatv se sambandhit rang va vastuo ka estemal na kare, aisa karne se virodh utpann hota hai.

Dishao Ka Sahi Va Poorn Estemal

Dakshin-Pachim disha netratv karne ki shramta ko niyantrit karti hai. team me vibhinn vyaktiyo ke saath karya karna padta hai. aapko karya evam apni bhavnao ke madhya samanjasy baithate hue apne uddeshya evam lakshya ki ore satat badhne ke liye dhrad sankalp hota hai, yadi es zone me vastu sahi hai to yah vyakti ko kafi prabhavshali bana deta hai. Dakshin-paschim disha aapki dakshta ko prabhavit karti hai. es disha ka vastu kaisa hai, sab usi par nirbhar karta hai.

Tips

• Dakshin-Paschim me apne karya se sambandhit upkarano ko rakhe. apni ruchi va kuch prtsahit karne wali kitabe paschim me rakhe.
• Samajik gatividhiyo se judne va apna prabhutv badhane ke liye poorv disha me surya dev ki tasvir lagay. Christal boll ka upyog kare, yeh urja ka sahi pravah banay rakhta hai.

Netratv Shramta Ka Vikas Kaise Kare

Paschim zone ko vastu anuroop karke ham apne labh ko badha sakte hai, jo ki aaj ke yug me pratyek manas ki pahali avasyakta hai.

Upay- 

• Es zone ko saaf suthra rakhne ke sath saaj-sajja se pripoorn rakhe.
• Es zone me safed rang ka chayan karne se behtar parinaam milte hai.es disha me Dolphin ka chitra lagay. yeh aapke liye anand, khusi evam samanata lati hai.

Read More