Garbhwati Mahila Ka Kamra Koun Si Disha Me Ho?

Kisi stri ke liye garbhwati hona ek saubhagya soochak ghatna hai, lekin garbhawastha ke dauraan pareshaniya bhi kam nahi hoti, har garbhwati mahila ki eccha yahi hoti hai ki vah bina kisi pareshani ke swasth, sundar aur buddhimaan santaan ko janm de, eske lie vastu vigyan me kuch upaye bataye gaye hai, aiye jane ke wo upay kya hai-

Garbhwati Mahila Ke Kamre Ka Vastu Aur Upay

• Garbh dharan karne ki yojna bana rahi mahilao ko uttar-pachim disha ka kamra apne liyechunna chahiye, garbhdharan ho jaane ke baad yeh kamra chodkar sharirik pareshani se bachne ke liye ghar ke dakshini hisse me sthit kamre me samay bitana chahiye. 

• Yadi garbhwati mahila sanyukt parivar me rahti hai to dakshin ke atirikt dakshin-pachim me sthit kamre ko bhi apna sthai kaksh bana sakti hai. esse use parivar ke sabhi sadasyo ke bharpoor sahyog milega, paridamswaroop 9 maah ka kathin samay bina kisi asuvidha atha dukhad ghatna ke cyateet ho sakega aur phir ek swasth bacha janm le sakega.

• Sote samay gharbhwati mahila ka sir dakshin ki taraf aur pair uttar disha ki ore hone chahiye taaki use poorn vishram ki nind mil sake.

• Sote samay garbhwati mahila ke kame me bed ke upar koi bim ya duchatti na ho

• Yadi ghar ke madhya sthan me koi beem hai to kisi yogya vastushatri se uska upay karwana chahiye taki garbhwati mahila ko mansik peeda se bachaya ja sake.

• Garbhwati mahila ke kamre ka farsh-uncha na hokar samtal hona chahie taki durghatna se  bacha ja sake.

• Garbhwati mahila ko apne kamre me uchit roshni ki vyastha kar leni chahiye taki use swasthya ki koi dikkat na ho.

• Dark color va kale rang ki vastuo ko vishesh roop se aaspaas nahi rakhna chahiye. 

• Ghar me halke rango ki cheje aur enhi rango ke parde, chadar, gown, toliya, vastra aadi ka prayog labhdayak rahta hai. 

• Vastushastra ke anusaar garbhwati mahilao ko swasth, buddhiman aur sundar santan prapt karne ke liye 9 mahino ke garbhkaal me dharmik, deshbhakt va vigyan ki duniya ke mahapurusho ke lekh padhne chahiye aur unki sundar swasth shishuo ki tasvir ya postar apne bed ke samne ki divar par lagani chahiye.

• kamre me hinsak, darawani tasvire na lagay.

• Ghar me kante wale poudhe na lagay, acche swasthy ke liye ghar ke ishan kon me pooja path, yog-dhyan niyamit roop se karne se garbhwati mahilao ko sakaratmak parinaam milte hai.

• Yadi apni dawaiya ya tonic bhi mahilay eshan kon me sthir kamre me rakhe aur vahi unka sevan kare to unka prabhav sakaratmak hota hai.

• Garbhwati mahilao ko kar chalane se bhi parhej karna chahiye aur bike scooter par nahi baithna chahiye, bacche ke janm ke baad bhi yadi ve eshan kon me sthit kamre me hi rahti hai to ese accha mana jaata hai.

Read More

Ghar Ko Sajaye Apne Man Ke Rango Mutabik

Personalize home, Aap sochenge ghar to personaliz hi hota hai, par ghar poori tarah se aapki numaindagi kare to kamaal hoga na. apne ghar ko kaise de apna khaas andaz, eske bare me aaj mai aapko bataunga.

Aapka ghar kore-canvas jaisa hota hai, us par manpasand rang ukerne ka man karta hai, khoob saare rang, wo rang, jo man se nikalte ho, dil ke kisi koine me khwahishe hai, wo ghar ki siwaro par khoobsurti se bikhri ho to ghar sach me apana-sa lagta hai, ghar ko personal tuch dena asan nahi, par etna kathin bhi nahi, aiye jane kaise-

Poorwajo Ki Tasvire Ho Diwaro Par

Ghar ki diwaro par pariwar ki alag-alag mouke se judi tasvire latka kar ghar ko asani se personal tuch dene ki suruaat ki jaa sakti hai, es tarah aap unhe asani se sanjo kar to rakh hi payengi, saath hi parivar ki nai pedhi bhi un logo se judaav mahsoos karegi, Jaroori nahi ki divaro par lagai hui photo kisi professional studio me hi khinchi ho, frame me un tasvito ko lagaiye, jo aapko achhe palo ki yaad dilaye.

Shouk Bhi Ho Interior Ka Hissa

Aapko samudra kinare milne wali seep jama karne ka shouk hai? ya phir anokhe aakar me dikhne wale ped ki shakhaye pasand hai? ya phir kuch aur to en sablo interior ka hissa banaiye, jaise seep ko kanch ke gilas me mani plant ke sath saja dijiye, dekhiye yeh kitna sundar lagega.

Purani Chijo Ko Naye Andaaz Se Ghar Me Sajaye

Aapke paas pardada ki wo ghadi hai jo ab durlabh hai, ya wo pen hai, jo saalo pahle seemit sankhya me hi banay gaye the, hum enhe sahej kar almari me rakhe rahte hai, taaki yeh kharab na ho, par enhe bhi interior ka hissa banaiye, mehmaan par yeh anokha asar dalenge.

Read More

Vastu Ke Anusar Bedrooom Kaisa Aur Kis Disha Me Hona Chahiye

Nind manushya ki ek swabahwik kriya hai, sukoon va taazagi ke liye shyangrah ka hona bhi jaroori hai, Yadi manushya thik prakar se nind nahi le paata ho to uski kary-shamtapar bura prabhav padta hai. Manushya ka sharir ek chumbak ki bhanti hai aur sir uttari dhruv aur pair dakshini dhruv hai, Atah nind ke samay sir ko dakshini disha me hona chahiye, taki chumbakiya tarango ka prabhav bhali prakar se ho sake.

Yadi chumbakiya pravah uchit prakar se sharir me hoga to nind swata hi acchi ayegi. shayankaksh ki lambai aur chaudai es prakar ho ki eske gudanfal me 9 se guna karke 8 se bhag dene par 3 ya 5 shesh bache. 3 shesh bachne par dakshini disha me banay bedroom ke akaar ka fal shatru par vijay, arthik evam sharirik sukh ki prapti hoti hai, shesh paach bachne par paschimi disha me banay gay bed room ke aakar ka fal arthik sampannata lata hai,

Bedroom Ka Vastu Aur Samadhan

• Television, Heater aur anya bijli ke upkaran bedroom ke agney kon (आग्नेय कोण ) me hone chahiye.
• Ghadi poorv ya paschimdisha ki diwar par lagay, uttar va dakshin disha uttam nahi mani jati hai.
• Tijori bed room (sone ka kamra) me na rakhe, Yadi sthan ke abhav me rakhni pade to vastu ke anusar shyan-grah ( bedroom) ke dakshini bhag me rakhi jani chahiye, taki Tijori kholne par uttar disha ki drashti seedhi pade.
• Palang sone ke kamre ke samne nahi rakhna chahiye, yadi aisa hoga to chitt me vyakulta aur ashanti bani rahegi.
• bedroom me tand (tiwar me marbal ya cement se bani hu khuli almari ya saman rakhne ka slab) paschimi ya dakshini deewar par ho, parantu sone ke bistar uske neeche nahi hona chahiye, yadi bed ko tand ke neech jagah kam nah hone ke karan rakhna bhi pade to false sealing jaroor karway.
• Shayankaksh me double bed ya palang es prakar ho ki use per sone se manushya ka sir paschim disha me rahe, es tarah sone ke paschat uthne par poorv ya uttar disha me mukh ho, poorv disha suryoday ki disha hai. yeh jeevan daata aur shubh hai. Uttar disha dhanpati kuber ki mani gai hai. atah pratah uthte hi us taraf muh hona shubh hai.
• Palang ko shayan grah ki deewaro se thoda-sa alag rakhna chahiye.
• Bayi ore karwat se sona hitkari hai.
• Poorvi va uttari disha vale kamre ka shayan grah swasthya ke liye haniprad hota hai.
• Uttar disha me sirhana kadapi nahi hona chahiye.
• Sote samay pair mukhya pravesh dwar ki ore hone chahiye.
• Grah swami (ghar ka malik) ka shyan grah dakshin-paschim kon me athwa paschim disha me hone chahiye, Dakshin -pachim kon dhara tatv athva sthirta ka prateek hai. aisa hone par deerdhkaal tak nivas hota hai.

Read More

(Snanghar) Bathroom ke Vastu Ka Kya Asar Padta Hai

Ghar ke vastu me snanghar ke vastu ka bhi mahatv hai, Vayavya disha ke nazdik ke snan par hi aisa nirman uchit hota hai.

Bathroom (Snanghar) Vastu Ke Anusar Kaisa Aur Kaha Hona Chahiye?

Vastu me kisi bhi bhavan ke nirman me jo mahatv ghar ke alag-alag sadasyo ke bedroom, rasoi, drawing room, dinning room, puja sthan etyadi ka hai, vahi mahatv ghar ke bathroom ka bhi hai, hum suvidha anusar bhawan ya makan me kahi bhi bathroom ka nirman kara le, ya sahi nahi hai.

Pichle 25 varsho ke vastu anubhavo se mai ye kah sakta hu ki ghar me yadi bathroom ka nirman ghar ke andar hota hi nahi tha, Dekhne me aata hai ki aajkal jagah ki kami ke chalte bathroom nirman karte samay bane bathroom ke vastu ko das guna badha deta hai. Isliye vastushatra ke niyam ko jane bina bathroom aur toilet ke nirman se bachna chahiye.

Kisi bhi sthiti me hame eshan kon yani uttar-poorv me bathroom aur toilet ka nirman nahi karana chahiye anyatha ghar ke sadasyo ko bimari, vishesh roop se mansik bimari se grast hone ki ashanka ho sakti hai. parivar ke sadasyo ke sath durdhatna hona aur gambhir bimariya hona bhi esi dosh ka natija hota hai.

Aisa bhi dekha gaya hai ki kisi vyakri ke ghar va pratisthan me yadi dono jagaho par eshan disha me toilet hai, to ghar ki yuva peedhi nashe ki aadat se ghir sakti hai. yadi vyavsayik sthal par eshan hone ki ashanka rahti hai yadi poilet uttar-disha me hai, to bimari ya achanak aai pareshaniyo ke chalte arthik shrati ho sakti hai. yadi toilet poorv disha me hai, to ghar ke sadasyo ke beech aham ke karan aapsi takrar hone ki ashanka rahti hai.

Vastushatra me uttar-pashim yani vayavya disha ke nazdeek ke sthan va dakshin-pachim disha ke nazdik ke sthan bathroom va toilet nirman ke liye upyukt mane gaye hai. es disha me bina soche-vichare bathroom va toilet ka nirman na karay, balki kisi vastushatri ki madad se bilkul sahi tarike se es disha ki pahchan se bilkul karakar vaha bathroom va toilet ka nirman karana chahiye.

Vastushatri ki madad se bhawan ki bhumi ki lambai-chodai ke anupaat me kampaas dwara sahi se nirman hone se hi vastudosh nahi hota hai, aisa hone par thori si di gai vastu tips ka fayeda ye hota hai ki aapka bahut sa dhan jo vyarth me esme kharch hota hai bach jata hai. vahi bathroom va toilet ke sahi nirman se grahshanti aur sukh bana rahta hai.

Bathroom ke nahane ke nal aur bathroom me pani ka bahav uttar ya poorv ki rataf hona chahiye. bathroom me darpan bhi uttar ya poorv ki divar par hi lagwana chahiye.

Yadi kamre ke sath abthroom laga hua ho to uska sarwaja hamesha band rahna chahiye aur toilet seat bhi prayog ke baad hamesha band rahna chahiye a. Indian toilet ke jagah European seat system isliye chalan me aaya taaki seat dhaki rah sake aur vastu ke anusar aisa hone se ghar me nakaratmak uurja ka failav ruk jata hai. parivar ke sadasyo ko es baat ki aadat bhi dalwaye ki toilet band hi rakhe, toilet me ke khidki jaroor lagwani chahiye taki ghar ki nakaratmak uurja ka ghar se bahar ki ore nikas ho sake.

bathroom ki sajawat me gahare ran jaise neela, kala rang aadi ka prayog nahi karna chahiye. safed ya halke rang jaisi kream, aasmani, gulabi aadi rago ke tiles ka prayog karna chahiye. seat, basin aur slab ka rang bhi gahre ke bajay halke rang ka hi rakhe, to vastushatra me anukool mana jata hai.

yadi aap aise bhawan me rehte hai, jaha bathroom bilkul hi galat bana hua hai, jaise devsthan ya poojasthal ke liye anukool mane jane vali eshan disha me bathroom hai, to turant hi use bathroom ka prayog band kar dena chahiye. poorv uttar ya anya galat disha me bane bathroom ke dosh ko kam karne ke liye bade darpan ko uttar ya poorv me lagana chahiye aur kanch ke ek bartan me samudri namak bharkar rakhna chahiye. bathroom kabhi bhi rasoi ki deewar se sata na ho aur na hi pravesh dwar se sata hua ya uske samne na ho eska bhi bhalibhati dhyan rakhna chahiye.

Read More